गजल
*************************
सायद उस्लाई नदेखेको वा नभेटेको धेरै हुनुपर्छ ।
अचानक नचिन्नुमा भुल उस्को वा मेरै हुनुपर्छ। 

याद आउछ मलाई त्यो आन्दोलनको शुरुवात ,
लखेटेको दु:श्मनले उस्लाई बिहान सबेरै हुनुपर्छ।

छापामार योद्दा बन्न प्रेरित भएको त्यसै होइन उ,
क्रान्तिकारीहरुलाई क्रुर सेनाले मारेरै हुनु पर्छ ।

यहाँ कैयन शहिद भएका छन देशका खातिर,
तानाशाह बिरुद्द छातीमा गोली थापेरै हुनु पर्छ।

उ पनि होमिएको होला परिबर्तन ल्याउछु भन्दै,
सम्भबत आफ्नो सिरनीमा कात्रो राखेरै हुनु पर्छ ।

copyright © मोहन बिहानी 
भक्तिपुर सात सर्लाही
२०७०-०७-१३ बुधवार

~~~~~~~~गजल~~~~~~~~

तिम्रो मेरो साईनो लाग्छ किताब र गाता जस्तो
कहिले काही लाग्छ यो हो वर्षात र छाता जस्तो

बैक ब्यालेन्स गरे जस्तै जतन गरी राखे जस्तै
हाम्रो माया  लाग्छ मलाई चेकबुक र खाता जस्तो

एक अर्कामा समर्पित भई हुर्किएको हाम्रो माया
जन्म जात जोडिएको अजम्बरी  नाता जस्तो

आँखा अघि नाँच्दै गर्दा माया साट्दै बाँच्दै गर्दा
केहि क्षण भेट नहुँदा लाग्छ कैयन साता जस्तो

तिम्रो मेरो साईनो लाग्छ किताब र गाता जस्तो
कहिले काही लाग्छ यो हो वर्षात र छाता जस्तो

© मोहन बिहानी
भक्तिपुर ७ सर्लाही

गजल````````````````` 

उच्च र निचको दरार कहिलेसम्म ?

छुवाछुतको ब्यबहार कहिलेसम्म ?

अख्तियारले भ्रस्टाचारीलाई खोज्दैछ
आरोपित रहन्छ फरार कहिलेसम्म ?

मृतुदण्डको फैसला नआउँदा कैदी पनि
सोच्दो हो जीवनको करार कहिलेसम्म ?

पिरतिमा घाइते भएको प्रेमी बेचैन छ
मनको घाउको उपचार कहिलेसम्म ?

तथ्य र प्रमाण सामुन्य आउनै पर्छ
झुठो त्यो खबर बारम्बार कहिलेसम्म ?

सर्बाधिकार सुरक्षित © मोहन बिहानी
भक्तिपुर सात सर्लाही

गजल----------------------------

छक्क परिस लामो दारी देखेर

हालत मेरो बेरोजगारी देखेर 

ऊ मेरो श्रीमती नै हो यार
पत्याइनस उस्को सारी देखेर

ऊ फूलमा भबिश्य देख्छे गर्छे
शहरका कौशिमा फूलबारी देखेर

मेरो कुरा बिश्वास लागेन तँलाई
घरै पछाडी काँडा घारी देखेर

तँसंग पैसा छ नैतिकता मसंग
ईर्ष्या नगर हैसिएत बराबरी देखेर

© मोहन बिहानी
भक्तिपुर सात सर्लाही

• ~~~~~~~गजल~~~~~~~~~
  आँसुमा मात्र विश्वास किन लागेको होला।
  गोधुली साँझ उदास किन लागेको होला । 

   

• 
  उनी सँगै बिताएका स्वर्णिम ति पलहरु ,
  आज मलाई ईतिहास किन लागेको होला ।
  
  बगैचाको रङ्गिन फूल झै लाग्थ्यो जीवन,
  तर अचेल पलाँस किन लागेको होला ।
  
  साथ दिन्छु तिम्लाई भन्दै'थी ऊ बारम्बार ,
  तैपनि धोकाको आभास किन लागेको होला ।
  
  © Mohan Bihani
  भक्तिपुर-७ सर्लाही
  २०७०-०९-२५ बिहीवार

• 
  

  ~~~~~~~गजल~~~~~~~~~

  जादैछु म अरब पसिना बगाउन।
  

  प्रशस्त धन अनि दौलत कमाउन।
  
   

  भोक भोकै सधै बाँच्नु कति मैले
  हिडेको छु म अब टन्न अघाउन।
  
  धिप धिपे बत्ति भैसक्यो जिन्दगी
  जादैछु आशतित किरण जगाउन।
  
  © Mohan Bihani
  भक्तिपुर ७ सर्लाही